ნავთობპროდუქტების იმპორტიორთა კავშირის განცხადებით:

2013 წლის განმავლობაში საქართველოში საცხებ-საპოხი მასალების იმპორტმა შეადგინა 15,2. მათ შორის, საავტომობილო ძრავის ზეთების იმპორტმა შეადგინა 9,6 ათასი ტონა, ინდუსტრიული ზეთების იმპორტმა - 3,2 ათასი ტონა და სხვა კატეგორიის ზეთები.

2013 წელს  საცხებ-საპოხი მასალების იმპორტი  2012 წლის მაჩვენებელთან შედარებით (17,2 ათასი ტონა) შემცირდა 2 ათასი ტონით ანუ 11,6%-ით.

ქვეყნების მიხედვით, 2013 წელს საცხებ-საპოხი მასალების ყველაზე დიდი მოცულობის იმპორტი განხორციელდა თურქეთიდან - 4,3 ათასი ტონა ანუ მთლიანი იმპორტის 28%. შემდეგ მოდიან ირანი - 3,1 ათასი ტონა ანუ 20%, გერმანია - 2,3 ათასი ტონა ანუ 15% და ა.შ.

2013 წლის განმავლობაში საქართველოში იმპორტირებულ იქნა 71,5 ათასი ტონა სანავთობო ბიტუმი (საგზაო ასფალტის შემადგენელი), რომლიდანაც ყველაზე დიდი წილი - 98,9% განხორციელდა ირანის ისლამური რესპუბლიკიდან. 2012 წლის მაჩვენებელთან შედარებით სანავთობო ბიტუმის იმპორტი შემცირებულია 13,1 ათასი ტონით ანუ 15%-ით.

საავიაციო ნავთის იმპორტმა 2013 წლის განმავლობაში შეადგინა 88,5 ათასი ტონა, რომლიდანაც ყველაზე დიდი წილი -  70,3% განხორციელდა აზერბაიჯანიდან, შემდეგ მოდიან: თურქმენეთი - 20,2%, ისრაელი - 6,7%, საბერძნეთი - 2,7%. 2012 წლის მაჩვენებელთან შედარებით საავიაციო ნავთის იმპორტი გაზრდილია 37,4 ათასი ტონით ანუ 42%-ით.