ნავთობპროდუქტების იმპორტიორთა კავშირის განცხადებით:

 „მიმდინარე წლის იანვრის თვეში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  76,6 ათასი ტონა. მათ შორის, ბენზინის საწვავის იმპორტმა შეადგინა  29,3  ათასი ტონა, ხოლო დიზელის საწვავის იმპორტმა - 47,3  ათასი ტონა.

საწვავის კატეგორიების მიხედვით 2016 წლის იანვრის თვეში საქართველოში ბენზინის საწვავის იმპორტმა შეადგინა: A-91 რეგულარი მარკის ბენზინი - 20,3  ათასი ტონა ანუ 69,3%;  A-95 პრემიუმი მარკის  ბენზინი - 8,2 ათასი ტონა ანუ 28%,  A-98 სუპერი მარკის ბენზინი - 0,8 ათასი ტონა ანუ 2,7%.

ხოლო დიზელის საწვავის იმპორტმა კატეგორიების მიხედვით მ/წლის იანვრის თვეში შეადგინა: 50PPM (ევრო დიზელი) – 40,1 ათასი ტონა ანუ 84,9%, L-62 დიზელის საწვავი - 6,1 ათასი ტონა ანუ  12,9%, DT – 1,0 ათასი ტონა ანუ 2,1%.

ქვეყნების მიხედვით 2016 წლის იანვრის თვეში ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუსეთიდან - 32,9  ათასი ტონა, რაც მთელი იმპორტის 43%-ს შეადგენს. შემდეგ  მოდიან: რუმინეთი  - 17,9 ათასი ტონა (23,4%),   აზერბაიჯანი - 9,5 ათასი ტონა (12,4%), საბერძნეთი  - 6,7 ათასი ტონა (8,7%), თურქმენეთი - 5,4 ათასი ტონა (7,0%), ბულგარეთი -  4,2 ათასი ტონა (5,5%).

აქვე უნდა შევეხოთ სხვა ნავთობპროდუქტების იმპორტის მონაცემებსაც:

მიმდინარე წლის იანვრის თვეში საქართველოში იმპორტირებულ იქნა 3,2  ათასი ტონა სანავთობო ბიტუმი, რომლის უმეტესი წილი - 56,3% განხორციელდა ირანის ისლამური რესპუბლიკიდან.

მ/წლის იანვრის თვეში საქართველოში საცხებ-საპოხი მასალების იმპორტმა შეადგინა 0,9  ათასი ტონა.

2016 წლის იანვრის თვეში საქართველოში საავიაციო ნავთის იმპორტმა შეადგინა 4,1 ათასი ტონა.