ნავთობპროდუქტების იმპორტიორთა კავშირის განცხადებით:

ბოლო პერიოდში საერთაშორისო ფასები ნავთობპროდუქტებზე Platts-ის მიხედვით კლებულობს. განსაკუთრებით შემცირებულია ბენზინის ფასი. კერძოდ, მიმდინარე წლის 10 ოქტომბრის შემდეგ ბენზინის საერთაშორისო ფასი დაკლებულია 124.75 დოლარით/ტონაზე, ხოლო დიზელის ფასი - 22 დოლარით/ტონაზე.

ამავე პერიოდში კლებულობს ასევე ნავთობის ფასი მსოფლიო სანავთობო ბირჟებზე. კერძოდ, ლონდონში InterContinental Exchange Futures Europe-ზე ნავთობის ფასი შემცირებულია 4.19 დოლარით 114.33 დოლარიდან 110.14 დოლარამდე, ხოლო ნიუ-იორკში York Mercantile Exchange-ზე (NYMEX)-ზე 1.2 დოლარით 91.25 დოლარიდან 90.05 დოლარამდე.

საერთაშორისო ფასების შემცირება განპირობებულია რამოდენიმე ფაქტორით. პირველ რიგში უნდა აღინიშნოს მსოფლიოში ნავთობზე გლობალური მოთხოვნილების შემცირების საშიშროება;  რომელიც დაკავშირებულია თავის მხრივ მაკროეკონომიკური მაჩვენებლების გაუარესებასთან მსოფლიოში ნავთობის ყველაზე დიდ ორ მომხმარებელ ქვეყანაში -  ჩინეთსა და აშშ-ში. კერძოდ, ჩინეთში უკვე მე-7 კვარტალი ზედიზედ მცირდება ეკონომიკური ზრდის მაჩვენებლები, ხოლო აშშ-ში გამოქვეყნდა შრომითი დასაქმების უარყოფითი სტატისტიკური მონაცემები.

რაც შეეხება საქართველოს საცალო ქსელს, საწვავის ფასების კორექტირება ზემოაღნიშნულ პერიოდში მოხდა ერთხელ კლების მიმართულებით 4-6 თეთრით ლიტრაზე. უახლოეს პერიოდში საერთაშორისო ფასების შემცირებიდან გამომდინარე ფასების კლების ტენდენცია უნდა გაგრძელდეს.