ნავთობპროდუქტები იმპორტიორთა კავშირის განცხადებით:

ბოლო პერიოდის განმავლობაში ფიქსირდება მსოფლიოში ნავთობის ფასის კლების  ტენდეციები, რაც განპირობებულია ძირითადად იმით, რომ ერაყში არსებულმა კრიზისმა გავლენა ვერ მოახდინა საკუთრივ ამ ქვეყანაში ნავთობის მოპოვებასა და ასევე მის ექსპორტზე, რომელიც დღეს რეკორდულად მაღალ მაჩვენებელზე დგას. ამ ეტაპზე  ნავთობის ფასებზე მნიშვნელოვან გავლენას ვერ ახდენს ღაზას სექტორში არსებული კრიზისიც. ასევე უნდა აღინიშნოს, რომ ევრო კავშირის მიერ რუსეთისადმი დაწესებული სანქციები დიდი ალბათობით არ შეეხება ნავთობისა და გაზის ექსპორტს, ხოლო ლიბიაში არსებული კრიზისი გავლენას ვერ ახდენს ნავთობის ფასზე ნავთობის მოპოვების ისედაც დაბალი დონის გამო.

ბოლო დღეების განმავლობაში საერთაშორისო ფასები ნავთობპროდუქტებზე  PLATT"S-ის მიხედვით, რომლითაც ხდება საქართველოში ნავთობპროდუქტების იმპორტი,  მცირდება.  კერძოდ,  საერთაშორისო ფასები ბენზინზე 1000 დოლარიან ნიშნულს ჩამოცდა.   29 ივლისის მდგომარეობით საერთაშორისო ფასი ბენზინზე შეადგენს 982 დოლარს/ტონაზე, ხოლო დიზელზე (10ppm) -  907 დოლარს/ტონაზე.

აღნიშნული ტენდენციის შენარჩუნების შემთხვევაში ეს გახლავთ წინაპირობა იმისა, რომ საქართველოში საწვავის ფასები  უახლოეს პერიოდში  შემცირდება.